உலகளவில் கொரோனா வைரஸின் தாக்கம் நாளுக்கு நாள் அதிகரித்து வருதால் உள்ளூர் மற்றும் சர்வதேச கிரிக்கெட் போட்டிகள் காலவரையின்றி ஒத்தி வைக்கப்பட்டுள்ளது. இந்தியாவில் ஆண்டுதோறும் நடைபெறும் ஐ.பி.எல் தொடரும் ஒத்தி வைக்கப்பட்டது.

இதன் காரணமாக ஐ.பி.எல் தொடரை எப்படியாவது நடத்த வேண்டும் என்பதற்காக பல்வேறு முயற்சிகள் மேற்கொள்ளபட்டு வருகிறது. இலங்கை கிரிக்கெட் வாரியம் இலங்கையில் ஐ.பி.எல் நடத்த அனுமதி கேட்டுள்ளது.

இந்நிலையில், கிரிக்கெட் வீரர்கள் பலரும் ரசிகர்கள் இல்லாமல் ஐ.பி.எல் நடத்தலாம் என்று ஆலோசனை கூறி வருகின்றனர். அந்தவகையில், ஐபிஎல் தொடரை இந்திய வீரர்கள் மட்டும் பங்கேற்று விளையாடினால் வெறித்தனமாக இருக்கும் என ராஜஸ்தான் ராயல்ஸ் அணியின் தலைமை செயல் அதிகாரி கூறியுள்ளார்.

இந்திய வீரர்கள் மட்டும் பங்கேற்று ஐபிஎல் போட்டிகள் நடந்தால் அது உண்மையான ஐ.பி.எல் தொடராக இருக்கும். இதே கருத்தை இந்திய அணியின் முன்னாள் வீரர் கவுதம் கம்பீரும் தெரிவித்துள்ளார். ஆனால் இந்த கருத்தை சி.எஸ்.கே அணி மறுப்பு தெரிவித்துள்ளது. அவ்வாறு ஐ.பி.எல் நடந்தால் பி.சி.சி.ஐ நடத்தப்படும் உள்ளூர் தொடரான ‘சையது முஷ்தாக் அலி டிராபி’ தொடர் போல் இருக்கும் என்று சி.எஸ்.கே கூறியதாக தகவல் வெளியாகியுள்ளது.

Leave a comment

Your email address will not be published. Required fields are marked *