Connect with us

Cricket

தோல்வியின் விரக்தியில் கோலியின் இணையதளத்தை ஹேக் செய்த வங்கதெச விஷமிகள்: இவர்களுக்கு வேறு வேலையே இல்லை போலிருக்கிறது.!

ஆசியக் கோப்பை கிரிக்கெட் போட்டியின் இறுதி ஆட்டத்தில் வங்கதேச வீரர் லிட்டன் தாஸுக்கு கொடுக்கப்பட்ட அவுட்டுக்கு எதிர்ப்புத் தெரிவித்து, இந்திய அணியின் கேப்டன் விராட் கோலியின் அதிகாரப்பூர்வ இணையதளத்தை வங்கதேச ரசிகர்கள் நேற்று ஹேக் செய்தனர்.

அதில் லிட்டன் தாஸுக்கு கொடுக்கப்பட்ட அவுட்டுக்கு ஐசிசியும், நடுவர்களும் மன்னிப்பு கோர வேண்டும் என்று வங்கதேசத்தின் சிஎஸ்ஐ(CSI) ஹேக்கிங் செய்து செய்தி வெளியிட்டுள்ளது.

இணையதளத்தை ஹேக்கிங் செய்து ஐசிசிக்கு கண்டனம் தெரிவித்து கருத்துக்களை ஹேக்கர்கள் பதிவிட்டுள்ளனர். அதில் ஜென்டில்மேன் விளையாட்டு கிரிக்கெட் என்பதை நீங்கள் சரியாகப் பயன்படுத்தவில்லையே. ஒவ்வொரு அணிக்கும் ஒவ்வொருவிதமான நியாயம் இருக்கக்கூடாது. எப்படி அது அவுட் என்று கூறுங்கள். நீங்கள் வெளிப்படையாக அந்த அவுட்டுக்கு இந்த உலகத்தின் முன் மன்னிப்பு கோராவிட்டால், நடுவர்களும் மன்னிப்பு கேட்காவிட்டால், ஒவ்வொரு முறையும் நாங்கள் இணையதளத்தை முடக்குவோம்.

எங்களுடைய சக இந்திய சகோதர, சகோதரிகள் இதை மரியாதைக்குறைவாக நினைக்காதீர்கள். உங்கள் அணிக்கு அநீதி இழைக்கப்பட்டால் என்ன செய்வீர்கள் என்று சற்று சிந்தித்துப் பாருங்கள். கிரிக்கெட் விளையாட்டில் ஒவ்வொரு அணியும் சமமாக மதிக்கப்பட வேண்டும் எனத் தெரிவிக்கப்பட்டுள்ளது.

Click to comment

Leave a Reply

Your email address will not be published. Required fields are marked *

Advertisement

Must See