Connect with us

Cricket

ஹாட் டிரிக் சதமடித்து விராட் கோலி படைத்த சாதனைகளின் பட்டியல்!

இந்திய கேப்டன் விராட் கோலி வெஸ்ட் இண்டீஸ்க்கு எதிரான முதல் இரண்டு ஒரு நாள் போட்டிகளில் முறையே 140, 157 ரன்கள் வீதம் குவித்தார். நேற்றைய 3-வது ஆட்டத்திலும் சதம் (107 ரன்) விளாசினார். இதன் மூலம் 47 ஆண்டுகால ஒரு நாள் கிரிக்கெட் வரலாற்றில் தொடர்ச்சியாக 3 ஒரு நாள் போட்டிகளில் சதம் அடித்த (ஹாட்ரிக்) முதல் இந்தியர் என்ற பெருமையை பெற்றார்.

ஒட்டுமொத்தத்தில் பார்த்தால் இலங்கையின் சங்ககரா (தொடர்ந்து 4 சதம்), பாகிஸ்தானின் ஜாகீர் அப்பாஸ், சயீத் அன்வர், தென்ஆப்பிரிக்காவின் கிப்ஸ், டி வில்லியர்ஸ், குயின்டான் டி காக், நியூசிலாந்தின் ராஸ் டெய்லர், பாகிஸ்தானின் பாபர் ஆசம், இங்கிலாந்தின் ஜானி பேர்ஸ்டோ ஆகியோருக்கு அடுத்து ஹாட்ரிக் சதம் அடித்த சாதனையாளராக கோலி திகழ்கிறார்.

* விராட் கோலி இந்திய மண்ணில் ஒரு நாள் போட்டியில் தொடர்ந்து 4 சதங்கள் அடித்துள்ளார். இந்த தொடருக்கு முன்பாக இந்திய மண்ணில் கடைசியாக ஆடிய நியூசிலாந்துக்கு எதிரான ஆட்டத்தில் (கான்பூர், 2017-ம் ஆண்டு அக்டோபர்) கோலி 113 ரன்கள் எடுத்திருந்தார். இதன் மூலம் இந்திய மண்ணில் தொடர்ந்து 4 ஆட்டங்களில் சதம் அடித்திருந்த தென்ஆப்பிரிக்க வீரர் டிவில்லியர்சின் சாதனையை கோலி சமன் செய்தார்.

* ஒரு நாள் போட்டியில் அதிக ரன்கள் குவித்த வீரர்களின் பட்டியலில் 12-வது இடத்தில் இருந்த இந்தியாவின் டோனியை (10,150 ரன்) விராட் கோலி நேற்று முந்தினார். 29 வயதான கோலி இதுவரை 214 ஆட்டங்களில் ஆடி 10,183 ரன்கள் குவித்துள்ளார்.

* கோலி சதம் கண்டும் இந்திய அணி தோல்வியை தழுவுவது இது 6-வது நிகழ்வாகும்.

* ஒரே தொடரில் 2-வது முறையாக மூன்று சதங்கள் விளாசியுள்ளார். கங்குலி 2003 உலகக்கோப்பையிலும், லஷ்மண் 2003-2004 ஆஸ்திரேலியா விபி தொடரிலும் மூன்று சதங்கள் அடித்துள்ளனர்.

* ஒரு அணிக்கெதிராக தொடர்ந்து நான்கு சதங்கள் விளாசிய ஓரே வீரர் என்ற பெருமையை பெற்றுள்ளார்.வ்

Click to comment

Leave a Reply

Your email address will not be published. Required fields are marked *

Advertisement

Must See